МАЛ, ТЭЖЭЭВЭР АМЬТДЫН ТООЛЛОГО ЭХЭЛЛЭЭ.

2022 оны жилийн эцсийн мал тэжээвэр амьтдын тооллого улс орон даяар 12-р сарын 7-17-ны өдрүүдэд зохион байгуулагдана. Сумын засаг даргын 2022 оны 12 сарын 02 _ны А/135 дугаар захирамжаар Сумын хэмжээнд 5 ажлын хэсэг гарч Алтанширээ сумын нутагт отроор яваа айл өрхийн тоог нэмэлтээр авахаар ажлын хэсэг томилогдлоо. Мал тооллогыг явуулснаар мал, амьтдын тоо толгойн өсөлт, бууралт, сүргийн бүтцэд гарч байгаа өөрчлөлт, мал аж ахуйн бүтээгдэхүүний үйлдвэрлэл зэргийг тооцож, улмаар мал аж ахуйн салбарын нэмэгдэл өртгийг тооцох боломж бүрддэг.Түүнчлэн Хөдөө аж ахуйн салбарын талаар төрөөс баримтлах бодлого боловсруулж, малчдад даатгалын нөхөн төлбөр олгох, малын тоо толгойн татвар бүрдүүлэх, мал эмнэлгийн үйлчилгээ үзүүлэх, сүү, ноос, арьс ширний урамшуулал олгох, малчдын нийгмийн халамж, малчдын зээл, ажил эрхлэлттэй холбоотой асуудлыг шийдвэрлэх, орон нутгийн эдийн засгийн чадавхыг үнэлэх зэрэг өндөр ач холбогдолтой юм. Жилийн эцсийн мал, амьтны тооллого бүртгэлд идэвхтэй, хариуцлагатай оролцохыг малчид ард иргэд, аж ахуйн нэгжүүдэд уриалж байна.