ОЮУТНУУДАД ТЭТГЭЛЭГ ОЛГОВ.

Сайхандулаан сумын 1 дүгээр багт уул уурхайн үйл ажиллагаа явуулдаг Ван тайж ХХК нь нийгмийн хариуцлагын хүрээнд “Оюутны тэтгэлэгт хөтөлбөр”-ийг 2018 ноос хэрэгжүүлж нийт 17 оюутанд 27 сая төгрөгийн сургалтын төлбөрийн дэмжлэг үзүүлэн ажиллаж байна. 2022-2023 оны хичээлийн жилд суралцаж 9 оюутанд сургалтын тэтгэлэг олгов. Нийгмийн хариуцлагын хүрээнд хэрэгжүүлж байгаа оюутны тэтгэлэгт хөтөлбөрт хамрагдаж, 2021-2022 онд Их, дээд сургуулиа төгссөн 4 залуу сумандаа Ерөнхий боловсролын сургууль, Цэцэрлэгт багш, Засаг даргын Тамгын газарт мэргэжилтнээр ажиллаж байна. Сумандаа сайхан амьдрах орчин бүрдүүлэх, нутгийн өвгөд дээдсийн шүтээн нутаг, аав ээж, ахан дүүсийн өлгий нутгийнхаа хөгжлийн төлөө, эзэмшсэн мэргэжил боловсролоо зориулан ажиллаж амьдрах залуучууд, дунд үе, ахмад үеийн алтан хэлхээг тасралтгүй үргэлжлүүлэх нутгийн залуустаа сурлагын амжилт хүсэн ерөөе. Орчин үеийн цахим технологит суурилсан төрийн үйлчилгээг эрхлэх, хувийн хэвшлийн бизнесийн үйлчилгээг хоршооны зохион байгуулалтын менежментээр хөтлөн явуулах “Шинэ цагийн залуус- орон нутгийн хөгжилд” оролцоог дэмжиж Их, дээд сургууль, мэргэжлийн сургалт үйлдвэрлэлийн төвийг төгссөн, төгсөх гэж байгаа нутгийн залуучууд та бүхнээ орон нутагтаа ирж ажиллахыг урьж байна.